مسائل کا حل-پہلی قسط
ہمیں وقتا فوقتا مختلف تحاریر پر آراء کے ذریعے ورڈپریس پر آپکو درپیش مسائل کا پتہ چلتا رہتا ہے۔ وقتی طور پر ہم بھی آراء ہی کے ذریعے اسکا حل بتا دیتے ہیں، لیکن طویل المدتی پالیسی میں یہ کچھ مددگار چیز نہیں۔ چونکہ آراء تحریروں کے مقابلے میں کم نمایاں ہوتی ہیں، اسلئے عین ممکن ہے کہ کل کوئی اور قاری عین وہی یا ملتا جلتا سوال کسی اور تحریر کے آراء میں پوچھتا رہے۔ دوسرے سرچ انجز بھی آراء کی بجائے تحاریر کو زیادہ لفٹ کراتے ہیں۔ اس کا حل ہم نے یہ سوچا ہے(بلکہ شروع سی یہی خیال تھا) کہ ان منتشر سوالات جوابات کو اکٹھا کر کے “مسائل کے حل” نامی زمرہ کے تحت شائع کیا جائے۔ اسی سلسلے کی پہلی کڑی آج حاضر ہے۔ تحریر کا فارمیٹ آراء سے ہی لیا گیا ہے اس لئے ہم سوال پوچھنے والے قاری کو نام اور سوال چھاپیں گے، اور ساتھ میں تحریر سے مطابقت کیلیے تھوڑی بہت تدوین کرینگے۔ ہمیں امید ہے قارئین اس معاملے پر ہمیں جسٹس ڈوگر کورٹ نہیں لے جائینگے۔
سوالات کے معاملے میں ڈفر میاں کافی فعال رہے۔ علوی نستعلیق جب ریلیز ہوا تو مختلف بلاگز پر علوی نستعلیق کی خوبصورتی دیکھ کر انکا دل بقول انکے بہار بہار ہوگیا اور اپنے بلاگ پر لگانے کی سوجھی(آخر اطلاعات تک عمل نہیں کیا)۔ علوی نستعلیق یا کسی بھی فانٹ کا لگانا اتنا ہی مشکل ہے جتنافانٹ کا نام جاننا۔ فانٹ کا نام معلوم کریں اور میری بتائی گئی ان ہدایات پر عمل کریں:
اگر آپ اپنی تھیم کی سی ایس ایس دیکھیں تو وہاںکسی بھی font-family کے ٹیگ میں ترتیب سے فانٹس لکھے ہوتے ہیں۔ کچھ اس شکل میں:
font-family: “Alvi Nastaleeq v1.0.0″,”Urdu Naskh Asiatype”,Nafees Web Naskh,Tahoma,Sans-serif;
اسی ترتیب کے مطابق ہر براؤزر دیکھتا ہے کہ کونسا فونٹصارف کے سسٹم پر موجود ہے۔ یعنی اگر فونٹ نمبر1(علوی نستعلیق) اگر ہے تو اسی میں سائٹ دکھا دیگا، اگر وہ نہ ہو تو اردو نسخ، وہ نہ ہو تو نفیس ویب نسخ۔۔۔۔اسیطرح سلسلہ چلتا رہتا ہے۔ فونٹ ٹیگ کے آخری فونٹس Serif یا Sans-serif رکھے جاتے ہیںجو کوئی بذات خود فونٹس نہیں بلکہ فونٹ کے خاندان ہیں، یعنی اگر آپ کی مقرر کردہ کوئی بھی فونٹ صارف کے سسٹم پر نہیں تو اس فیملی کے کسی فانٹ میں سے جو بھی صارف کے سسٹم پر جو ہو اسمیں سائٹ کو دکھا دو۔
یاد رہے کہ پہلی ریلیز کے بعد علوی نستعلیق کا پکا نام صرف Alvi Nastaleeq ہے یعنی ہر نئے نسخے کے اجراء کے بعد آپکو اپنی سٹائل شیٹ میں تبدیلی کی ضرورت نہیں۔
ڈفر ہی ایک اور سوال پوچھتے ہیں:
جب بھی کوئی دوسرا ہماری کسی پوسٹ کا لنک اپنی پوسٹ میں دیتا ہے تو ہماری پوسٹ پر اس نئی پوسٹ کا ذکر ایک کمنٹ کی شکل میں آ جاتا ہے۔ اسکو کیا کہتے ہیں؟ کیا اسکے لئے مجھے کچھ کرنا ہو گا؟ اگر ہاں تو میں اسکو کیسے این ایبل کروں؟
میرا جواب ملاحظہ فرمائیے:
ڈفر، مذکورہ لنک کے زمرے میں ابھی کوئی تحریر نہیں اس وجہ سے نظر نہیں آرہی۔
ایسے “تبصرے” کو پنگ بیک کہا جاتا ہے۔ اسے ان ایبل اور ڈس ایبل کرنے کیلیے ڈیش بورڈ کے آپشنز میں جائیے اور پھر ڈسکشن والے سب مینو میں وہاں Allow link notifications from other blogs (pingbacks and trackbacks.)
افتخار اجمل بھوپال نے سوال پوچھا کہ:
جناب کوئی ایسا گر بتائیے کہ اوتار ہر بلاگ پر ظاہر ہو؟
عمار کا جواب کچھ یوں تھا:
افتخار اجمل صاحب! ہر بلاگ پر تو اسی صورت میں نظر آئے گا جب ہر بلاگر اپنی تھیم میں گریویٹر کا کوڈ شامل کرے گا۔ جس جس بلاگ تھیمز میں یہ کوڈ شامل ہے، ایسے ہر بلاگ میں آپ کا اوتار ظاہر ہوگا۔
مکی اور ابوشامل کا مشترکہ سوال یہ تھا کہ گریواٹر کی نمائندہ تصویر اپنے لئے کس طرح حاصل کی جا سکتی ہے؟
میرا جواب کچھ یوں تھا:
مکی اور فہد بھائی یہ اوتار ہر اس سائٹ پر جہاں اس کی سہولت ہو دکھانے کیلیے ایک سائت Gravatar.com پر آپکو اکاؤنٹ بنانا ہوگا۔ وہاں جس ای میل کیساتھ جو تصویر نتھی کی جائیگی، وہ ای میل کسی بھی بلاگ پر دینے سے آپکا اوتار ظاہر ہو جائیگا بشرطیکہ کہ اس بلاگ پر یہ سہولت دی گئی ہو۔
API key کیا ہوتی ہے اور کس طرح حاصل کی جاتی ہے؟
اس سوال کا جواب میرے الفاظ میں:
فرحان API یعنی Application Programming Interface پروگرامنگ کی اصطلاح میں ایسے فنکشنز، کلاسز، میتھڈز یا پروٹوکولز کا مجموعہ ہوتا ہے، جن کو ہم کسی ایک پروگرام میں رہتے ہوئے اصل پروگرام سے حاصل کر کے استعمال کر سکتے ہیں۔ سادہ الفاظ میں ہم دوسرے پروگرام کے فیچر اپنے پروگرام میں بروئے کار لا سکتے ہیں، لیکن اس کے لئے ضروری ہے کہ اصل پروگرام کا مالک ان فیچرز تک آپکو رسائی دے۔ ان فیچرز تک محفوظ رسائی کیلیے API Key درکار ہوتی ہے تاکہ ہر ایرا غیرا دخل انداز نہ ہو۔ API Key پاس ورڈ کیطرح کام کرتی ہے تاکہ آپ اور اصل پروگرام کا مالک دونوں محفوظ رہیں۔ جہانتک API Key حاصل کرنے کا تعلق ہے، یہ آپکو مذکورہ پروگرام کے مالک یا کمپنی کی ویب سائٹ یا ای میل یا سیکیور لاگ ان غرض جو بھی طریقہ انہوں نے رکھا ہو، سے حاصل کر سکتے ہیں۔
گمان ہے کہ آپ ورڈپریس API Key کی بات کر رہے ہیں۔ اس کے لیے آپ ورڈپریس ڈاٹ کام پر اکاؤنٹ بنائیں اور اپنے پروفائل کے صفحہ پر جا کر حاصل کر لیں۔ شکریہ
ان تمام سوالات و جوابات کے باوجود کچھ سوالات کے جوابات تشنہ ہیں، جس میں ہماری کاہلی اور کچھ لاعلمی شامل ہے۔ ساتھ ساتھ کچھ سوالات قارئین کے جانب سے وضاحت کے منتظر ہیں۔ ہم ان شاء اللہ اپنی محنت جاری رکھیں گے اور کوشش کرینگے کے ورڈپریس کے حوالے سے آپکے سوالات و مسائل سے نبٹنے میں آپکی مدد کریں۔ دعاؤں میں یاد رکھیے گا۔
یہ بھی اچھا سلسلہ ہے..
بہت عمدہ سلسلہ ہے
میرے جیسے نالائقوں کے لئے
اچھا سلسلہ ہے.
اور جواب دینے کا شکریہ
اسلام علیکم سب سے پہلے تو اتنا اچھا سلسلہ شروع کرنے کا شکریہ۔۔ بہت بہت۔۔ دوسرے نمبر پر میرا سوال یہ ہے کہ میں نے سی سرور پر اپنی ڈومین ہوسٹ کی تھی لیکن یہ سرور مجھے بالکل بھی پسند نہیں آیا کیا آپ مجھے بتا سکتے ہیں کہ ورڈپریس کو ہوسٹ کروانے کے لیے بہترین ویب ہوسٹ کون کون سے ہیں؟؟
وعلیکم السلام عادل جاوید چودھری۔ سلسلہ پسند کرنے کا شکریہ۔ میں اپنا بلاگ wirepaq کی ہوسٹنگ پر چلارہا ہوں اور میرے نزدیک یہ بلاگ کے لیے بہترین ہے۔
بہت خوب۔ بہترین سلسلہ شروع کیا ہے ۔
سمائلز کا اچھا پلگ ان کونسا ہے اور اس کو صرف ایکٹو کرنا ہے یا تھیم میںکوئی کوڈبھی ڈالنا ہے۔
مجھے اپنے بلاگ پاس ورڈ بھول گیا ہے میں نے فارغیٹ پاس ورڈ کا بھی آپشن استعمال کیا ہے تو مجھے کوئی نیا پاس ورڈ نہیں ملا اب میں کیا کروں اس کا کوئی اور حل بتائیں۔
میرے تمام پاس ورڈ موزیلا فائر فوکس میں سیو تھے لیکن کچھ دن پہلے میں نے ونڈو نئی انسٹال کی تو موزیلا کا بیک اپ لینا بھول گیا تھا جس کی وجہ سے ہر جگہ پر مسلئہ ہورہا ہے۔ سب سے زیادہ پریشانی بلاگ کے حوالے سے ہے۔
شکاری بھائی آپ پریشان نہ ہوں، آپ یہ بتائیں کہ کیا آپکی رسائی آپکے ڈیٹابیس تک ہے؟ اور کیا آپ کو کوئی ڈیٹابیس ایکسس ایپلیکیشن جیسے پی ایچ پی مائی ایڈمن کی سہولت ہے کہ نہیں؟ پھر میں آپکو ایک آسان حل بتاتا ہوں۔
مجھے CSS کہاں ہے یہ بتا دیں فیملی فونٹ کس جگہ مل سکتا ہے
میں فامیٹنگ کے بارے میں کچھ نہیں جانتا
طارق بہتر ہے کہ آپ پہلے کسی اچھی سائٹ جیسے w3schools.com سے سی ایس ایس کے بارے میں تھوڑا بہت سیکھ لیں، اس طرح آپکو اپنے درپیش مسائل کے حل میں آسانی ہوگی۔
اگر آپ کے سامنے آپکی سی ایس ایس فائل موجود ہے تو اسے کھول کر اسمیں فانٹ فیملی سرچ کریں، امید ہے نظر آجائیگی۔
“مسائل کا حل” کی دوسری قسط کب آئے گی ؟؟؟؟؟؟؟؟؟
میری ویب سائٹ پر alvi nastaliq فونٹ سے web temp خراب ہو رہی ہے اسکا حل نکالۓ مہربانی ہوگی
Asalam o alikum to all urdu blogers
sab se pehlay bari mazrat k meary pas urdu kebord nhi aur hi urdu typing ka koe tajraba hai.
lekin ap blog ko visit karnay k bad mojay beinteha khoshi hoe k koe to hai jo apni zaban par kam kar raha hai.
me ap ko aur ap ki pori team ko aur ap k tamam users ko salam paysh karta hoon .
well dan n keep it up.
ap log urdu ki taraki me jo kirdar ada kar rahay hain wo kabil e tehsin he.
q k jo kom apni zaban ko bholi wo kom taraki na kar saki.
aur jis kom ne apni zaban aur apni sakafat par kaem rahi sirf wo komay hi taraki kar paen.
misal k toor par china , japan germane uk roos israil hi taraki kar paen .
en tamam taraki yafta momalik me sirf aik bat hi moshtrik he k en ka nisabi aur gernisabi sarkari aur gayr sarki tamam nizam en ki apni zaban me hi hai.
dunya me koe molk aysa nhi jis ne apni gayr madri zaban me kabilay kadar tarki ki ho.
hum b agalay 100 sal taraki nhi kar sakain gay jab tak k him urdu ko apnay molk me mokamal nafiz na kar dain.
aik bar phir ap sab ko salam paysh karta hoon es omed k sat k ap aur zeyada mehnat aur lagan se apne blog aur urdu ki taraki me apna kirdar ada karain gay.