اردو ماسٹر » متفرقات

واوین کا مسئلہ اور حل

ساجد اقبال — Sat, 24 Jan 2009 15:31:59 +0000

اردو میں بلاگ پر تحریر لکھتے ہوئے اکثر کی بورڈ کی مناسب سیٹنگز نہ ہونے کیوجہ سے واوین اُلٹے لکھے جاتے ہیں۔ اگر لکھتے ہوئے آپ تاہوما جیسا فونٹ استعمال کر رہے ہوں تو پتہ بھی نہیں چلتا کہ واوین صحیح ڈلے ہیں۔ اس کے علاوہ واوین کا استعمال کمپیوٹر کی تقریباً تمام لینگویجز میں کسی نہ کسی صورت موجود ہے، اور اگر آپ کسی لینگویج کا کوڈ اپنے بلاگ پر غلط واوین سمیت رکھیں تو محرم و مجرم کے فرق سے صارف کا کوڈ چلنے سے انکار کر دیگا۔ واوین دو قسم کے ہوتے ہیں، مڑے ہوئے اور ترچھے۔ مڑے ہوئی واوین اگر کسی کوڈ میں ڈال دئیے جائیے تو وہ اسے چلانے سے انکاری ہو جاتا ہے۔
ورڈپریس میں اس سردرد کا حل بہت آسان ہے۔ بس آپ نے اتنا کرنا ہے کہ اپنی تھیم فولڈر میں functions.php نامی فائل تلاش کرنی ہے اور اگر نہیں ہے تو خود سے بنا لیں اور اسمیں یہ ایک لائن کا کوڈ ڈال دیں:

 remove_filter('the_content', 'wptexturize'); ?>

فائل محفوظ کر کے اپنے سرور پر اپلوڈ کر لیں، اُمید ہے یہ مسئلہ اب آپکو تنگ نہیں کریگا۔ اوپر دیا گیا کوڈ اس مسئلہ اور حل کی وضاحت کیلیے کافی ہے۔ مزید تقابل کیلیے یہ دو تصاویر ملاحظہ کریں۔

واضح‌رہے کہ یہ ہیک صرف آپکی تحریر کا حصہ ہی اس جھنجھٹ سے آزاد کریگا۔ تبصروں‌ میں‌ پرانی روش برقرار رہیگی۔
بشکریہ

اردو ماسٹر اور اردو ٹیکنالوجی بلاگ کا نکاح

ساجد اقبال — Mon, 12 Jan 2009 14:40:24 +0000

گئے سال کی بات ہے کہ میں نے اپنا اولین بلاگ “اردو ٹیکنالوجی بلاگ” کو اردو ماسٹر کے اجراء پر خیرباد کہہ دیا تھا۔ تاہم اب بھی کافی سارے صارف اس سائٹ پر آتے تھے۔ میں‌ نے مذکورہ بلاگ کی تمام تحریریں اور تبصرے اردو ماسٹر پر درآمد کر لیے ہیں۔ جن لوگوں نے میری پرانے بلاگ کے لنکس اپنی سائٹس اور تحریروں پر لگائے تھے، ان سے معذرت۔ میری پرانی تحریریں آپ تلاش کے خانے یا متعلقہ زمرے سے آسانی سے ڈھونڈ سکیں گے۔ تمام نئی پرانی تحریریں ایک جگہ ہونے سے مستقبل میں امید ہے سہولت رہیگی۔ شکریہ

اسٹائل سوئچر

عمار ابنِ ضیاء — Wed, 07 Jan 2009 13:47:47 +0000

حسبِ فرمائش آج کی تحریر میں ہم اپنے بلاگ کے قاری کو اپنی مرضی کا فونٹ منتخب کرنے کی سہولت دینے کا طریقہ جانیں گے۔ فونٹ سوئچر والی تھیم میں عموما سائڈ بار پر اپنی مرضی کا فونٹ منتخب کرنے کی سہولت موجود ہوتی ہے۔

ہم اس کام کا بنیادی اور آسان سا طریقہ سمجھیں گے۔ بعد میں آپ اپنی مرضی سے اس کے ساتھ مزید چھیڑ چھاڑ کرسکتے ہیں۔ اس کام کے لیے آپ کو ورڈپریس تھیم کے بنیادی ڈھانچے سے تھوڑی بہت آگاہی ضرور ہونی چاہیے۔

پہلا کام:

اسٹائل سوئچ ڈاٹ جے ایس کی فائل یہاں سے اتار کر اپنی تھیم کے فولڈر میں کاپی کرلیں۔

دوسرا کام:

اپنی تھیم کی سی ایس ایس فائل کھولیں اور جہاں جہاں تحریری متن کی فونٹ فیملی بیان ہوئی ہے، اسے ہٹاکر صرف body کے سلیکٹر میں ایک فونٹ فیملی بیان کریں۔ یوں یہ فونٹ فیملی پورے بلاگ پر اپلائی ہوجائے گی۔ میں ورڈ پریس کی ڈیفالٹ تھیم کے ساتھ کھیل کررہا ہوں۔ فرض کریں کہ ہم اپنی تھیم کا ڈیفالٹ فونٹ علوی نستعلیق رکھنا چاہ رہے ہیں تو فونٹ فیملی اور فونٹ سائز یوں ہوگا:

body {
    font-size: 17px;
    font-family: 'Alvi Lahori Nastaleeq', 'Alvi Nastaleeq', Tahoma, 'Lucida Grande', Verdana, Arial, Sans-Serif;
    background: #d5d6d7 url('images/kubrickbgcolor.jpg');
    color: #333;
    text-align: center;
    direction: rtl;
    }

واضح رہے کہ میں نے فونٹ فیملی اور فونٹ سائز کے علاوہ باڈی سلیکٹر کی دوسری ویلیوز اور ان کی پراپرٹیز کو نہیں چھیڑا ہے۔

تیسرا کام:

اب ایک اور سی ایس ایس فائل بنائیں جس میں صرف اور صرف body کا سلیکٹر اور اس کی پراپرٹیز شامل کریں (style.css کا باقی کوڈ شامل کرنے کی ضرورت نہیں) اور اس کی فونٹ فیملی میں پہلی ترجیح کسی دوسرے فونٹ یا نفیس ویب نسخ کو دیں۔ مثلا:

body {
    font-size: 15px;
    font-family: 'Nafees Web Naskh', Tahoma, 'Lucida Grande', Verdana, Arial, Sans-Serif;
    background: #d5d6d7 url('images/kubrickbgcolor.jpg');
    color: #333;
    text-align: center;
    direction: rtl;
    }

اس فائل میں، میں نے صرف فونٹ فیملی اور فونٹ سائز کو بدلا ہے۔ اب اسے کسی بھی نام سے محفوظ کرلیں جیسے
style-nafeesnaskh.css
اسی طرح دوسرے فونٹس (اردو نسخ ایشیا ٹائپ، تاہوما وغیرہ) کی اسٹائل شیٹس بھی بنالیں اور ان میں ان فونٹس کے حساب سے ہی فونٹ سائز رکھیں۔میں نے ایسی تین مزید فائلز بنائی ہیں۔ نفیس ویب نسخ، اردو نسخ ایشیا ٹائپ اور تاہوما کی۔ یوں ہمارے پاس سی ایس ایس فائلز کی تعداد چار ہوگئی۔

style.css
style-nafeesnaskh.css
style-urdunaskh.css
style-tahoma.css

چوتھا کام:

اپنی تھیم میں header.php کی فائل کھول کر اس میں یہ کوڈ تلاش کریں:

اس سے اگلی لائن میں یہ کوڈ پیسٹ کر دیں:

 bloginfo('stylesheet_directory'); ?>/style-nafeeswebnaskh.css" />
 bloginfo('stylesheet_directory'); ?>/style-urdunaskh.css" />
 bloginfo('stylesheet_directory'); ?>/style-tahoma.css" />

پہلے اس فائل کو اتار کر کوڈ دیکھیں۔ اگر آپ اس کوڈ کو سمجھنا چاہیں تو بہ آسانی سمجھ سکتے ہیں۔ پہلی سطر میں ہم نے بتایا کہ theme1 ہمارے پاس اسٹائل شیٹ کی ڈائریکٹری میں رکھی ہے اور نام ہے style-nafeesnaskh.css۔دوسری سطر میں theme2 کا بتایا گیا ہے کہ یہ style-urdunaskh.css ہے۔ تیسری سطر میں theme3 کو style-tahoma.css کہا گیا ہے۔ اور آخری سطر میں styleswitch.js فائل کی موجودگی کا بتایا گیا ہے جسے ہم نے سب سے پہلے مرحلے میں تھیم فولڈر میں کاپی کیا تھا۔ یوں یہ چوتھا مرحلہ بھی اختتام پذیر ہوا۔

پانچواں کام:

کیوں جی؟ تھک گئے کیا؟ اجی یہ کام ہی کچھ اوکھا ہے۔۔۔ چلیں اب یہاں تک آگئے ہیں تو یہ مرحلہ بھی جان لیں اور یقین رکھیں کہ یہ آخری مرحلہ ہے اور اس کے بعد آپ کو اب تک کی گئی محنت کا پھل مل جائے گا۔

کرنا یہ ہے کہ اب سائیڈ بار میں جہاں آپ نے تھیم فونٹ سوئچر شامل کرنا ہے، وہ سائیڈ بار کی فائل کھولیں اور یہ کوڈ شامل کریں:

فونٹ منتخب کریں

اس کوڈ کو سمجھنا بھی کوئی مشکل کام نہیں ہے۔ سوئچ کنٹرول کا بتاکر پہلے ڈیفالٹ فونٹ کا رکھا گیا ہے جو کہ علوی نستعلیق ہے۔ اگلی سطور میں تھیم1، تھیم2، اور تھیم3 کا نام دیا گیا ہے۔ بس اس فائل کو محفوظ کریں اور اپنا بلاگ دیکھیں۔ فونٹ سوئچر جیسے آپشن سے آپ کا بلاگ مالامال ہوچکا ہوگا۔

کسی قسم کی مشکل میں آپ بلا جھجک یہاں سوال کرسکتے ہیں۔

ورڈپریس 2.7 ایک شاہکار

ساجد اقبال — Wed, 17 Dec 2008 05:38:49 +0000

یوں تو ورڈپریس روز اول سے ہی زبردست پذیرائی لیے آج تک موجود تھا لیکن اس درمیانے عرصے میں اگر ورڈپریس 2.7 کو اس مشہور بلاگنگ سافٹ وئیر کے شاندار دور کا نقطہءِ عروج کہا جائے تو بے جا نہ ہوگا۔ میری طرح سے دوسرے عام صارفین مشکل اصطلاحات والے، اندورنی قسم کے فیچرز کی بجائے سافٹ وئیرز کو رنگ ڈھنگ، استعمال میں آسانی جیسی ظاہری خوبیوں کے نقطہ نگاہ سے جانچتے ہیں اور اس نئے جاری کردہ نسخے کی سب سے بڑی خوبی انہی چیزوں کی بہترین پیشکش ہے۔
ورڈپریس 2.7 کا اجراء دسمبر کی 12 تاریخ کو ہوا، گو پہلے ورڈپریس ٹیم کا ارادہ نومبر میں جاری کرنے کا تھا۔ ورڈپریس کے یہ نیا نسخہ 150 ماہرین کی شبانہ روز محنت کا ثمر ہے۔ اس نئے نسخے کو امریکی موسیقار John Coltrane کے نام سے موسوم کیا گیا ہے۔
بات خوبیوں کی ہے تو جیسے میں نے ذکر کیا کہ ظاہر وضع قطع میں زیادہ اور خوشگوار تبدیلیاں کی گئی ہیں۔ یاد رہے کہ یہ تبدیلیاں آپکے قارئین کو نہیں بلکہ صرف آپکو یعنی صرف ڈیش بورڈ میں نظر آئینگی۔ قارئین کیلیے ایک فیچر کمنٹس تھریڈنگ کا ہے جس کا ہم آگے چل کر ذکر کرینگے۔
فیچرز کا ذکر شروع کرتے ہیں ورڈپریس کے نئے سادہ مگر انتہائی خوبصورت مواجے(Interface) سے۔ اگر مجھے پتہ ہوتا کہ کچھ ہی دن بعد ورڈپریس والے خود مواجے کو اس درجے کا خوبصورت بنا دینگے تو میں کبھی ایسی تحریر نہ لکھتا۔ ۔

نئے مواجے میں جاوا سکرپٹ کی مشہور لائبریریز جے کیوری(jQuery) اور پروٹوٹائپ(Prototype) کو استعمال میں لاتے ہوئے نہ صرف خوبصورت بلکہ استعمال میں انتہائی سہل ڈیش بورڈ کی تشکیل کی گئی ہے۔ ڈیش بورڈ کے وہ غیر ضروری عناصر جن سے آپ تنگ ہو یا وقتی طور پر انہیں یہاں موجود نہ دیکھنا چاہتے ہو، کو آپ باآسانی اوپر دائیں طرف موجود سکرین آپشنز کے ذریعے غائب(اور دوبارہ حاضر) کر سکتے ہیں(دیکھیے نمبر1)۔ ہیڈر میں ہمہ وقت ایک ڈراپ ڈاؤن مینو موجود رہتا ہے جس سے با آسانی آپ اپنے ڈیش بورڈ کے زیادہ استعمال ہونے والے حصوں یعنی نئی تحریر، نیا صفحہ، ڈرافٹس، اپلوڈز اور تبصروں کے صفحات تک ایک کلک سے رسائی حاصل کر سکتے ہیں(دیکھیے نمبر 2)۔ ایک کلک کی بات چل نکلی تو میں بتاتا چلوں کہ ڈیش بورڈ کا پرانا عمودی بار جسمیں صرف ایک صفحے تک جانے کے لیے آپکو کئی کلک کرنے پڑتے تھے، آپ ہر صفحے تک ایک کلک کے ذریعے رسائی کے ساتھ عمودی حالت میں بائیں جانب کر دیا گیا ہے۔ بائیں جانب آنے سے صفحے کے درمیانی عناصر کا دم اگر آپ کو گھٹتا نظر آئے تو سائیڈ بار میں موجود دو سلائیڈرز کے ذریعے اسے چھوٹا کر کے مزید جگہ بنائی جا سکتی ہے۔ اگر آپ صفحہ پر موجود عناصر (ٹیکسٹ ایڈیٹر کو چھوڑ کے) غائب کرنے کی بجائے صرف minimize کرنا چاہتے ہیں تو یہ مزے بھی آپکو ورڈپرس کے نئے نسخے میں ملیں گے۔ ڈیش بورڈ کی صفحه اول پر بلاگ کے اعداد و شمار کو زیادہ بہتر طریقے سے پیش کیا گیا(دیکھیے نمبر3)۔ Quick Press جو پہلے ایک ویجیٹ کی صورت میں آتا تھا، اب ڈیش بورڈ کا باقاعده حصه ہے(دیکھیے نمبر4)۔ اس کے ذریعے آپ تحریر لکھنے والے صفحہ پر گئے بغیر سرعت سے تحریر لکھ اور شائع کر سکتے ہیں۔
مواجے کے بعد آتے ہیں کچھ اور اندرونی فیچرز کیطرف۔ ورڈپریس استعمال کنندگان کیلیے ایک بڑی جھنجھٹ ہر تھوڑے عرصے بعد نئے نسخے یا بگ فکس کی ریلیز کے ساتھ اپنے ہاں نصب شدہ نسخے کو اپ ڈیٹ کرنا تھا۔ گو ورڈپریس آٹو میٹک اپگریڈ پلگ ان کے ذریعے یہ کام ایف ٹی پی کی جھنجھٹ کے بغیر بھی کیا جا سکتا تھا لیکن مذکورہ پلگ ان کے آفیشل نہ ہونے کیوجہ سے ہر نئے نسخے کیساتھ اسکے پنگے چلتے رہتے تھے۔ ورڈپریس کے اس نئے نسخے میں اپگریڈ کی جھنجھٹ کا بھی بغیر ایف ٹی وغیرہ کے علاج کیا گیا ہے۔ اب ہر نئے نسخے کی ریلیز کے ساتھ آپکو اپنے ڈیش بورڈ میں اس کی دستیابی کی اطلاع ملے گی اور اگر آپکو اعتراض نہ ہو تو ایک کلک سے اسے اپگریڈ کر سکتے ہیں۔
پلگ انز کی تنصیب مزید آسان کر دی گئی ہے، آپ ڈیش بورڈ کے اندر رہتے ہوئے نئے پلگ ان تلاش اور نصب کر سکتے ہیں۔ اب اس کام کیلیے بھی آپکو ایف ٹی پی اور نہ ہی اضافی پلگ انز کی ضرورت ہے۔ ہاں اگر کوئی پلگ ان ورڈپریس پلگ ان ڈائریکٹری میں نہیں موجود تو اسے آپ اپنے پاس ڈاؤنلوڈ کرکے بغیر ایف ٹی پی کے صرف براؤز اور منتخب کرے نصب کر سکتے ہیں۔

اس نئے ورڈپریس کی آخری خوبی جس کا میں ذکر کرنا چاہوں گا، کمنٹس تھریڈنگ ہے(دیکھیے نمبر5)۔ کمنٹس تھریڈنگ کے ذریعے آپکے بلاگ پر ہونے والے تبصروں کو مزید دلچسپ بنایا گیا ہے۔ یاد کریں کہ اگر آپکو کسی مخصوص تبصرہ ناگار کو جواب دینا ہوتا تو باقاعدہ مخاطب کا نام لیکر اسے جواب دینا ہوتا تھا۔ کمنٹس تھریڈنگ تبصروں کے نظام کو کسی فورم کے تبصرے کیطرح دھاگے(thread) کی شکل دیتا ہے۔ واضح رہے کہ کمنٹس تھریڈ ورڈپریس صارفین پہلے بھی ایک پلگ ان کے ذریعے استعمال میں لا سکتے تھے۔
یہ تھا ورڈپریس 2.7 کا ایک تعارف۔ ہمیں بتائیے کہ آپ نے نئے نسخے کو کیسے پایا؟ اور ہاں اگر آپ نے ابھی تک پرانا نسخہ اپگریڈ نہیں گیا تو فوراً سے پیشتر کر لیں۔

ورڈپریس ایسٹر ایگ

ساجد اقبال — Sat, 29 Nov 2008 14:00:32 +0000

سافٹ وئیرز کے ایسٹر ایگز سے تو آپ واقف ہی ہونگے. پہلے یہ ڈیسک ٹاپ اطلاقیوں تک محدود تھے لیکن اب یہ ویب اطلاقیوں میں بھی نظر آنے لگے ہیں. آپ کا پسندیدہ بلاگنگ اطلاقیہ(Application) ورڈپریس بھی اس سے مبرا نہیں. ورڈپریس کے 2.6 اور بعد کے نسخوں میں یہ ایک ایسٹر ایگ موجود ہے، جس کا نظارہ آپ کچھ یوں کر سکتے ہیں:
1. پہلے سے شائع کی گئی یا محفوظ کی گئی تحریر کی ترمیم کریں.
2. تحریر کے صفحہ پر نیچے دہرائی(Revision) والے حصے میں آئیں، اور سب سے نئی دہرائی (جو سب سے اوپر ہوگی) کلک کریں.
3. اگلے صفحے پر نیچے آئیں اور تقابل کیلیے ایک جیسی(اوپر والی لائن) تحریر منتخب کر لیں.
اگلے صفحے پر آپ کے سامنے میٹرکس جیسا ایسٹر ایگ آجائیگا. جہاں یہ الفاظ لکھے ہونگے:
Danger ! Self-comparison detected. Initiating infinite loop eschewal protocol. Self destruct in… 3 2 1 Wake up, Donncha… The Matrix has you… Don’t let this happen again. Go Back.
اگر آپ مندرجہ بالا سردردی کے بجائے صرف اس کا نظارہ کرنا چاہتے ہیں، تو یہ ویڈیو ملاحظہ فرمائیں:

بشکریه

اب کے ڈیش بورڈ کے رنگ بدلیں

ساجد اقبال — Mon, 17 Nov 2008 09:35:54 +0000

چاہے آپ کے قارئین کو آپ کی موجودہ بلاگ تھیم لاکھ پسند ہو لیکن ہوگا یہی کہ آپکو کوئی نئی تھیم پسند آئی اور آپ نے دھڑلے سے اپنی بلاگ تھیم تبدیل کر لی۔ مزے کی بات یہ کہ آپ اپنے بلاگ کے مالک ہونے کی صورت میں 50 فیصد یا اس سے بھی زیادہ دفعہ اپنے بلاگ کا پس دید(Backend) المعروف ڈیش بورڈ دیکھتے ہیں لیکن کبھی آپکو اس کے رنگ و انداز بدلنے کا خیال نہیں آیا۔ سو اب کے اپنے بلاگ کو کوئی نئے رنگوں سے مزین تھیم بدلنے کی بجائے کیوں نہ ڈیش بورڈ کی خوبصورتی کا سامان کیا جائے؟ گو یہاں آپکے پاس بلاگ سانچوں کی طرح ہزاروں میں سے انتخاب کی سہولت نہیں لیکن ہم آپ کو چند ایک ڈیش بورڈ سانچوں کے بارے میں بتائیں گے، شاید آپکو کوئی پسند آ جائے۔
پہلی بات تو یہ کہ نوٹ کریں کہ ڈیش بورڈ کے سانچے تھیمز کی شکل میں نہیں بلکہ پلگ ان کی شکل میں ہوتے ہیں۔
اس لئے آپکو انہیں پلگ ان فولڈر میں رکھ کر فعال کرکے استعمال کرنا ہوگا۔ زیل میں چند سانچے حاضر ہیں۔
1۔FluencyAdmin

میرا پسندیدہ ترین، کالے رنگ لیے یہ سانچہ یہاں سے اتارا جا سکتا ہے۔

2۔WP Tiger Administration

ایپل او ایس ایکس ٹائیگر سے متاثر یہ سانچہ آپ یہاں سے حاصل کر سکتے ہیں۔

3۔WordPress NiceAdmin

ورڈپریس ڈاٹ کام کے مواجے(Interface) سے ملتی جلتی یہ ڈیش بورڈ تھیم یہاں سے حاصل کریں۔

4-Shuttle

ورڈپریس کے سابقہ(ابھی بھی اختیاری طور پر دستیاب) تھیم سے ملتا جلتا یہ سانچہ یہاں سے حاصل کریں۔

5۔ Afd Wordpress Admin

سادہ لوگوں کیلیے سادہ رنگوں سے مزین ایک ڈیش بورڈ سانچہ۔ یہاں سے حاصل کریں۔

SyntaxHighlighter: تحریر میں کوڈ، زرا سلیقے سے

ساجد اقبال — Mon, 10 Nov 2008 06:02:53 +0000

آپ نے نوٹ کیا ہوگا کہ ہماری سائٹ پر تحریروں میں سی ایس ایس، پی ایچ پی اور ایچ ٹی ایم ایل کے ٹیگز قارئین کو دکھانے کیلیے خوبصورتی سے سٹائل کیے گئے ہیں۔ یہ سب کچھ Syntax Highlighter نامی پلگ ان کی بدولت ممکن ہے۔ یہ پلگ ان آپ یہاں سے حاصل کر سکتے ہیں۔ طریقہ استعمال انتہائی آسان ہے۔ پلگ ان کو ان زپ کرکے wp-content/plugins میں اپلوڈ کر دیں، پھر اپنے ورڈپریس ڈیش بورڈ میں جاکر مذکورہ پلگ ان فعال(Activate) کرلیں۔ تحریر میں جہاں کوڈ شامل کر نا ہو وہاں Codeموڈ میں جاکر کوڈ اسطرح لکھیں:

Aap ka code

Aap ka codeکی جگہ اپنا کوڈ لکھ لیں۔ class کو لینگوئیج کے مطابق رکھیے یعنی اگر آپ سی ایس ایس کوڈ دکھانا چاہ رہے ہیں تو class=”css” لکھیں۔ پوری لینگویجز اور ان کے کی ورڈز کی فہرست یہاں دیکھی جاسکتی ہے۔

علوی نستعلیق۔۔۔توقعات اور خدشات

ساجد اقبال — Sat, 25 Oct 2008 05:47:23 +0000

برادرم شاکر القادری اردو چوپالوں پر ایک جانی پہچانی شخصیت ہیں۔ وہ اپنی ایک ذاتی چوپال القلم کے نام سے چلاتے ہیں۔ انہی کے توسط سے معلوم ہوا کہ مورخہ 2 نومبر 2008 کو علوی نستعلیق نامی ایک نستعلیق فانٹ ریلیز ہو رہا ہے۔ اس فانٹ کو تیار کرنے کا سہرا برادرم علوی امجد کے سر ہے۔ ابھی تک جو تفصیلات اس فانٹ کے متعلق اس لڑی پر دستیاب ہوئی ہیں ان کے مطابق یہ فونٹ خوبصورتی میں ان پیج کے مشہور زمانہ فانٹ نوری نستعلیق جیسا ہوگا(کیونکہ یہ نوری نستعلیق کے گلفس سے بنایا گیا ہے) بلکہ اس کی اثرپذیری ویب پیجز پر بھی یکساں مؤثر ہوگی۔ ماضی میں ہم پاک نستعلیق کا تجربہ ویب پر کرچکے ہیں، جو بہت نہیں تو کافی حدتک ویب پیچ کو بھاری بھرکم بنا دیتا تھا۔ علوی نستعلیق کے حوالے سے مجھے کچھ ایسے ہی خدشات ہیں۔ یار لوگ یہ یقین دلا رہے ہیں کہ یہ واقعتاً ایسا فانٹ ہو گا جو بیک وقت ڈیسکٹاپ اور ویب کی ضروریات پر پورا اترے گا۔ میری دعا ہے کہ ایسا ہی ہو اور بالآخر اس سفر کا خاتمہ ہو جو ویب کیلیے کارگر نستعلیق فانٹ کی جانب عرصے سے جاری ہے۔

ابھی تک جو سکرین شاٹس(دیکھیے اوپر دیا گیا ایک عکس) دستیاب ہوئے ہیں، انہیں دیکھ کر واقعی لگتا ہے کہ یہ خوبصورتی میں ان پیج کے نوری نستعلیق سے کسی طرح کم نہیں۔ لیکن سکرین شاٹس سے اسکے ویب پر رفتار کا علم تونے سے رہا۔ ایک اور چیز جو میرے لئے باعثِ دلچسپی ہے(اور باعثِ تشویش بھی)، وہ یہ کہ کیا یہ لینکس پر بھی صحیح کام کریگا؟ اسی لئے میں بے چینی سے 2 نومبر کے انتظار کر رہا ہوں۔

ویڈیو کے ساتھ سب ٹائٹلز(Subtitles) کیسے چلائیں؟

ساجد اقبال — Sat, 18 Oct 2008 15:15:22 +0000

آپ نے اکثر فلموں(خاص کر انگریزی فلموں) کیساتھ سکرین کے نچلے حصے میں ویڈیو پر بولے جانے والے الفاظ کو لکھے ہوئے دیکھا ہوگا، یہ سب ٹائٹلز کہلاتے ہیں۔ سب ٹائٹلز دو قسم کے ہوتے ہیں، ایک تو ہارڈکوڈڈ جو ویڈیو کے ساتھ ہی ایمبیڈ ہوتے ہیں اور ان کے لئے الگ سے فائل کی ضرورت نہیں پڑتی، دوسرے ایسے سب ٹائٹلز جو بیرونی فائل کی مدد سے سکرین پر دکھائی دیتے ہیں۔ مؤخرالذکر آجکل زیادہ مقبول ہیں، کیونکہ یہ نہ صرف آسانی سے دستیاب ہیں بلکہ کئی ایک زبانوں میں مل جاتے ہیں۔ ہم آپکو بتاتے ہیں کہ مذکورہ سب ٹائٹلز ویڈیو کیساتھ کیسے چلائیں گے۔
1- سب سے پہلے کسی سب ٹائٹلز کی سائٹ سے سب ٹائٹلز کی فائل ڈاؤن لوڈ کرلیں۔ میری پسندیدہ سائٹ اوپن سب ٹائٹلز ہے، آل سبز بھی ایک اچھی سائٹ ہے۔
2- سب ٹائٹلز دو فائل فارمیٹ میں آتے ہیں srt اور sub۔ خیال رہے کہ sub فارمیٹ کے ساتھ ایک اضافی idx فارمیٹ کی فائل ہونا لازمی ہے، کیونکہ اس فائل میں سب ٹائٹلز ظاہر ہونے کی اوقات کی سیٹنگز ہوتی ہیں۔ اگر زپ فائل ہو تو ان زپ کر لیں۔
3- سب ٹائٹل کی اپنی ویڈیو فائل والی ڈائریکٹری میں کاپی کر لیں۔ خیال رہے کہ سب ٹائٹل اور ویڈیو فائل کا نام(ایکسٹینشن نہیں) ایک جیسے ہونا چاہیے، اگر نہ ہو تو کر لیں۔

4- اب کسی اچھے ویڈیو پلئیر مثلاً وی ایل سی یا گوم پلئیر میں ویڈیو چلائیں اور سب ٹائٹلز کیساتھ مووی سے لطف اندوز ہوں۔
چند ٹوٹکے:
ویڈیو مختلف فارمیٹس اور سائز میں ہونے کیوجہ سے سب ٹائٹلز فائل بھی مختلف ہوتی ہیں۔ اگر آپ کے پاس مووی دو سی ڈیز یا دو ویڈیو فائلز میں ہو تو لازماً دونوں کیلیے الگ الگ سب ٹائٹلز درکار ہونگی۔ ڈاؤن لوڈ شدہ ویڈیوز کے سب ٹائٹلز عموماً ساتھ ہی ہوتے ہیں ، اگر نہ ہوں تو الگ سے ڈاؤنلوڈ کرنے ہونگے۔ یہ تھی کچھ سب ٹائٹلز کی درد سری۔ کوئی مشکل ہو تو تبصرے میں پوچھ سکتے ہیں۔

بسم اللہ الرحمٰن الرحیم

ساجد اقبال — Tue, 14 Oct 2008 06:28:42 +0000

السلام علیکم!اردو ماسٹر ڈاٹ کام پر خوش آمدید۔ ویب سائٹ کے نام سے ہی آپ سمجھ گئے ہونگے کہ یہ سائٹ کچھ سیکھنے سکھانے کے متعلق ہے۔ یہ سائٹ میری(ساجداقبال) اور عمار ضیاء خاں کی مشترکہ کاوش ہے۔ اس سائٹ کا آئیڈیا ہم دونوں کو ایکدم سے آیا اور ایکدم سے ڈومین رجسٹر بھی کروا لی۔ ایسے کاموں میں عموماً خطرہ ہوتا ہے کہ آگ تھوڑے دن بھڑک کر سرد ہو جاتی ہے لیکن اللہ کا شکر ہے کہ ہم نے اس سائٹ کا لانچ کرنے کیلیے تسلی بخش حد تک کام مکمل کر لیا ہے۔ ظاہری وضع قطع میں یقیناً ابھی کئی خامیاں ہیں لیکن ہمارا اصل مقصد تکینکی معلومات کو آسان اردو میں پش کرنا ہے۔ امید ہے وقت کے ساتھ ساتھ اس سائٹ کی وضع قطع بھی بہتر ہوتی چلی جائیگی۔ اس ویب سائٹ پر اردو میں مختلف موضوعات پر تیکنیکی مضامین پیش کیے جائیں گے۔ ان مضامین کا دائرہ ورڈپریس، سی ایس ایس، فوٹوشاپ اور دیگر ویب سے متعلقہ موضوعات تک وسیع ہے۔ شروع میں ہمارا خیال صرف ورڈپریس تک محدود رہنا تھا لیکن چونکہ ویب ورڈپریس سے شروع یا ختم نہیں ہوتا، اسلئے ہم نے بھی اپنا موضوعات کی سرحدیں وسیع کر دیں۔

اس سے پہلے ایسی کاوشیں اکثر فورمز یا کچھ ذاتی بلاگز تک محدود رہیں، ہم ایسی کوششوں کو ایک نئی جہت دینا چاہتے ہیں تاکہ دیگر عالمی زبانوں کیطرح اردو میں بھی مختلف موضوعات پر معیاری انداز میں کام ہو۔ اس نئی کاوش کیلیے قدم بقدم ہمیں آپکی رہنمائی درکار ہوگی اور ہم پوری امید رکھتے ہیں کہ آپ رہنمائی کے معاملے میں کنجوسی سے کام نہیں لینگے۔ ہم اللہ کا نام لیکر اس سائٹ(بلاگ) کا آج سے آغاز کرتے ہیں اور دعا کرتے ہیں کہ اللہ ہم اس کوشش میں ثابت قدم رکھے۔ آپکی دعاؤں و راہنمائی کے منتظر:
اردو ماسٹر ٹیم