اس کا پہلا حل تو یہ ہے کہ آپ ونڈوز استعمال کریں ہی نہ، لینکس استعمال کریں۔ پھر بھی آپ بضد ہیں تو حل بتائے دیتا ہوں:

1۔ Run میں جا کر System32 لکھیں۔ آپکے سامنے System32 فولڈر کُھل جائیگا۔

2۔ WgaLogon.dll نامی فائل پر آئیں۔

3۔ اوپر فولڈر ونڈوز میں Tools > Options پر جائیں اور View ٹیب میں Hide extensions for know file types سے چیک ہٹا کر اوکے کردیں۔

4۔ اب WgaLogon.dll کے نام کو WgaLogon.dll.bak سے بدل دیں۔

5۔ فولڈر میں کہیں رائٹ کلک کر کے New میں جائیں اور Tex Document بنا کر اسکا نام WgaLogon.dll رکھ لیں۔ نام یا ایکسٹینشن بدلتے جہاں بھی ونڈوز کوئی پیغام دے اسے اوکے کرتے جائیں۔

6۔اسی فولڈ میں WgaTray.exe نامی ایک پروگرام ہوگا، اسے کلک کرکے منتخب کریں ٹاسک مینجر کھولیں(ctrl+alt+del سے)۔ پراسسز(Processes) میں جاکر WgaTray.exe کو بند کر دیں اور اسی فولڈر میں موجود WgaTray.exe کو جلدی سے ڈیلیٹ کر دیں۔اگر آپ نے وقفہ دیا تو یہ پروگرام پھر سے چل پڑیگا اور فولڈر میں موجود پروگرام فائل حذف نہیں ہوگی۔ اسلئےیہاں سرعت سے حذف کرنا لازمی ہے۔

لیجیے اُمید ہے اب WGA کے پیغامات آپ کے کام میں دخل انداز نہیں ہونگے۔ یاد رکھیے اس طریقے سے آپکی ونڈوز اصل نہیں ہوجاتی۔

اس سافٹ وئیر میں مقبول عام ویب پبلشنگ سافٹ وئیرز جیسے ڈریم ویور، ٹاپ سٹائل وغیرہ کیطرح تمام خوبیاں شامل ہیں بلکہ کئی جگہ یہ اس سے بڑھ کر ہے۔ فرنٹ پیج کے برخلاف جہاں آپ ویب صفحہ بنانے کیلیے ٹیبلز کے محتاج تھے، ایکسپریشن ویب میں آپ مکمل طور پر مستند ایکس ایچ ٹی ایم ایل اور سی ایس ایس پر مبنی سائٹس بنانے کے قابل ہونگے۔گو اسکے بی ٹا ورژن میں ابھی کچھ خامیاں ہیں لیکن قوی امید ہے کہ فائنل ریلیز میں یہ ڈریم ویور جیسے حریفوں کیلیے چیلنج کی صورت میں سامنے آئیگا۔ مائیکروسافٹ ایکسپریشن ویب کا ٹرائل ورژن آپ مائیکروسافٹ کی ویب سائٹ سے مفت ڈاؤن لوڈ کر سکتے ہیں۔

Technorati Tags: Microsoft , Expression Web

اس پلگ ان کی بدولت اب آپ انٹرنیٹ ایکسپلورر کیطرح فائر فاکس میں بھی wmv, wmaاور دوسرے میڈیا فارمیٹ(جو ونڈوز میڈیا پلئیر پر چل سکیں) کی فائلیں فائر فاکس میں دیکھ اور سن سکیں گے۔ یہ پلگ ان آپ اس ربط سے ڈاؤن لوڈ کر سکتے ہیں۔

• ٹولز(Tools) مینو پر جا کر آپشنز (Options) کلک کریں۔
• سیو (Save) کے ٹیب پر جائیں۔
• یہاں Embed Truetype Font کا چیک باکس منتخب کر کے ڈاکیومنٹ سیو کرلیں۔

لیجیے جناب آپ کے فونٹ اس ڈاکیومنٹ میں ایمبیڈ ہو چکے ہیں۔ اتنا تو آپ اس کے آپشن سے جان ہی چکے ہوں کے اس طریقہ سے صرف ٹرو ٹائپ فونٹ ہی ایمبیڈ ہو سکتے ہیں۔ فکر کی کوئی بات نہیں ہم زیادہ تر جو فونٹ استعمال کرتے ہیں وہ ٹرو ٹائپ ہی ہوتے ہیں۔
نوٹ: فونٹ ایمبیڈنگ سے آپ کے ڈاکیومنٹ کا سائز بڑھ جاتا ہے، اسلیے اگر آپ اپنی ڈاکیومنٹ کے بڑے سائز سے مطمئن نہ ہوں تو فونٹ ایمبیڈنگ استعمال نہ کریں۔ خاص کر اگر آپ ڈائل اپ انٹرنیٹ کے زریعے اپنی فائلیں بھجوا رہے ہوں یا پھر آپ کا سٹوریج میڈیا بہت چھوٹا ہے مثلاً روایتی 1.44ایم بی فلاپی۔
میں نے القلم تحریری نامی فونٹ میں نیچے دی گئی فائل بنائی ہے۔ ڈاؤن لوڈ کر کے چیک کریں کہ فونٹ ایمبیڈنگ ٹھیک کام کرتی ہے یا نہیں۔

القلم تحریری فونٹ میں لکھائی کچھ اس قسم کی ہوتی ہے۔

انشا اللہ جلد ہی ویب پیجز میں فونٹ ایمبیڈنگ پر کچھ لکھوں گا (اگر اپنے پلے پڑا تو )۔ اُردو پوائنٹ اور پاک ڈیٹا والے خود اسے استعمال کر رہے ہیں، انہوں نے میرے علم کے مطابق اس کا طریقہ کسی جگہ تحریر نہیں کیا؟

) کے روابط دے رہا ہوں، جن کی مدد سے فائرفاکس کے وہ مفید فیچرز جو مائیکروسافٹ کے اس براؤزر میں موجود نہیں، ڈالے جا سکتے ہیں

انلائن سپیل(inline spell): کھلے ہوئے ویب پیچ میں فائر فاکس کی طرح تلاش کیجیے۔ فائر فاکس میں جیسے ہی آپ لفظ لکھتے ہیں وہ تلاش کر لیتا ہے۔شارکٹ کی کے زریعے کام کرتا ہے۔
آئی ای۔سپیل(ieSpell): فائر فاکس2 کی طرح ویب پیچ کے فارمز میں لکھی گئی تحریر کی سپیلنگ چیک کرتا ہے۔ تاہم اسے چلانے کیلیے کوئی شارٹ کٹ بٹن دبانا ہوگا، خودکار طریقے سے چیک نہیں کرتا۔
آئی ای۔ پرو(IE Pro): اس کے زریعے آپ فائر فاکس کے کئی مشہور زمانہ فیچرز انٹرنیٹ ایکسپلورر میں ڈال سکتے ہیں۔ جیسا کہ کریش ریکوری، اشتہارات سے بچاؤ کا فلٹر،mouse gesutres (ماؤس کے زریعے فارورڈ\بیک ورڈ، ٹیب کھولنا یا بند کرنا)، یوزر ایجنٹ میں تبدیلی وغیرہ۔
فیڈ فولڈر(Feed Folder): فائر فاکس کے لائیو بک مارکس کیطرح کا ایڈ آن۔
ڈیولپر ٹول بار(Developer Toolbar): فائرفاکس کے مشہور دخلیے کی نقل۔ اس کی مدد سے آپ کسی ویب پیچ کی ساخت کو اچھی طرح جان سکتے ہیں۔ یہ فائر فاکس میں میرا پسندیدہ ترین دخلیہ ہے۔

بالآخر 6سال کی ڈیولپمنٹ کے بعد ونڈوز وسٹا کو 30جنوری2007کو ریلیز کر دیا گیا۔ اس موقع پر مائیکروسافٹ نے نیویارک میں ایک تقریب کا انعقاد کیا جہاں مائیکروسافٹ کے بانی اور چیف انجنئیر بل گیٹس نے ونڈوز وسٹا کا باقاعدہ افتتاح کیا۔ اس تقریب کے موقع پر ونڈوز کے مخالفین نے احتجاج بھی کیا۔اس تقریب کی لمحہ بہ لمحہ کوریج آپ یہاں پڑھ سکتے ہیں۔ اگر آپ اپنی ونڈوز اپ گریڈ کرکے وسٹا کرنا چاہتے ہیں تو اس سے پہلے یہ گائیڈ ضرور پڑھیں۔ ونڈوز وسٹا کی آفیشل ویب سائٹ جہاں آپ اسکے تمام ورژن اور نئی شامل کی گئی خوبیوں کے بارے میں معلومات حاصل کر سکتے ہیں۔ اور وسٹا کے بارے میں یہ بھی کہ ’’کہتی ہے تجھے خلق خدا غائبانہ کیا‘‘

ونڈوز فوٹو گیلری نامی ٹول کے زریعے ہم اپنے تصاویر کی بڑھتی ہوئی تعداد کو مناسب انداز میں سنبھال اور ملاحظہ کر سکتے ہیں۔ یہ ٹول ہمیں اس قابل بناتا ہے کہ ہم کسی ڈیجیٹل کیمرہ سے اپنی تصاویر آسانی سے اپنے پی سی پر اُتاریں، انہیں منظم کریں، انکی سلائیڈ شوز بنائیں، ای میل کے زریعے انہیں شئیر کریں اور بغیر کسی دوسرے سافٹ ویر کے ان میں بنیادی چیزوں مثلاً برائٹنس، کنٹراسٹ، ریڈآئی وغیرہ کو درست کرسکیں۔

دوسری طرف ونڈوز فوٹو امپوڑٹ وزرڈ اس وجہ سے متنازعہ بنا ہوا ہے کہ یہ صارف کی ترجیحات کا خیال رکھے بغیر کسی میڈیا سے ساری تصاویر درآمد کر لیتا ہے۔ لیکن بعض ماہرین اس کے دفاع میں کہتے ہیں کہ اس کا طریقہ کار ٹھیک ہے۔ اگر تمام تصاویر ایک ہی وقت میں ایک جگہ درآمد کر لی جائیں تو اس بات کا ڈر نہیں رہیگا کہ کہیں کوئی تصویر آپ نے کیمرہ وغیرہ پر چھوڑ دی ہے اور یہ بھی کہ ایک تصویر کو آپ غلطی سے بار بار درآمد نہیں کرینگے۔
ونڈوز وسٹا کے اس تصاویر ٹول میں ایک قابل ستائش چیز تصاویر کو زمروں(ٹیگز) میں تقسیم کرنے کے قابل ہونا ہے۔ اس طریقہ سے آپ تصاویر کو مختلف زمروں میں تقسیم کرتے ہیں جو بعد میں آپ کو اس قابل بناتا ہے کہ آسانی سے اپنی تصاویر کو تلاش کرسکیں۔ صارفین اس جیسی خوبیوں کی بدولت ونڈوز وسٹا کا بے چینی سے انتظار کر رہے ہیں۔